Schnitzelbänke Fasnacht 2002 "Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein. "
Fasnacht 2002 net @ wuerkli.ch
Winston's Club Schnitzelbänke
| Schnitzelbänke 2002 | |
|
Was het ächt dr Heini vor sinere Chäsi dänkt
won är sis Auto übere Randschtei het glänkt het är ächt z'fescht uf sini Aktione müesse schtarre dass är sini 2 Pneu kaputt het gfahre dr Heini het's nid gmerkt, das isch schad dr Kreisu isch rund, und nid grad z'Bauschtu hei sich erschti Persone zu Teschtzwäcke mou lo klone chasch deheim d'Bei ufeha und i Fernseh schtiere und di glychzytig a jedem Chäferfescht präsentiere eine isch ufgfaue, dä isch überau derbi dr Hafner Willy mues au sone Klon si Jedem Sässuchläber si Zyt isch mou abgloffe im letschte Johr het's ein bsungers hert troffe dr Grolimund het sis Plätzli müesse rume sis Ämtli aus Bauschtler Amme isch jetz ume guet cha me au e Amme pensioniere süscht würd dä no mit nünzgi regiere Dr Gugli ghörsch immer überau liire dr Silveschter gohn ig uf Zermatt go fiire d'Stimmig sig dört guet und d'Lüüt si uf dr Gass dört is nöie Johr rütsche, das macht doch eifach Spass aber i eire Sach verschätzt er sich e chli wenn d'Lifte abschtöue, sötsch uf dr Schwiizer Site si D'Bauschtler Huusfraue rüefe Juhee me het ihne e wiiteri Freiheit geh sie müesse sich nümm a d'Gschäftsöffnigszyte haute und chöi dr Tag no flexibler gschtaute bim Käffele und Schnurre müesse si nümm närvös uf d'Uhr blicke sondern chöi dr Maa bir Coop-Tankstöu verbi schicke Dr Walser macht wieder mou e Scheiss bim organisiere vor Alt-Lüüte Reis er pfifft uf Poschtauto, Gewa, Meier & Co. mit em Saner Car het er eifach e uswärtige gnoh selbscht nach 25 Johr ir Gmeind het är's noni kapiert dass me d'Chöle, bi de eigete Firme inveschtiert Im Faukeschtei het's das Johr usgartet s'isch gschosse worde, niemer hätt das erwartet mitts ir Beiz inne het eine unverdrosse eifach so mitemne Gwehr gschosse mir warte druf, dass dr Strasser ir Chlus ume gammlet und au gäge dä Schiesslärm Ungerschrifte sammlet Si wöue vore mitspiele hei mer dr FC ghöre propagiere jetz spiele si gäge Abstieg, das chunnt haut vom plagiere jetz hett's au no e Wasserschade i de Garderobe geh d' Duschine hebä ellei afo laufe, hei mer chönne verneh doch im Moos wärde jetz ganz angeri Grücht verzöut schinds heb s'Abstiegsgschpänscht die Duschine agschtöut Schtouz isch dr Winistörfer Tinu ir Zytig abböudet schliesslech hei si ändlech sis St.Wolfgang beschöuderet scho mänge isch i dere Kurve gradus is Gländer gfahre jetzt sett jede merke, dass me nid so schnäu darf fahre aber eis Schild isch haut jetz dört trotzdäm noni z'finge gsi das vorem Pintli wo stoht: "Hier kocht der Chef für Sie" Z'Dütschland ghört dr Borer zu de Stare er isch uszeichnet worde aus Ritter vo de Narre müesste mir im ne Politiker e Fasnachtspriis geh würde mir d'Bundesrötin Dreifuss neh a Ihre isch nüt witzigs oder luschtigs dra derfür het si s'Fasnachtskoschtüm s'ganze Johr a D'Fluri-Sippe hett Ihres Minigolf verchauft jetz hei si kei Träffpunkt meh wo öppis lauft aus Ersatz für's Minigolf hett dr Thomi e gfitzti Idee cha är doch aus Amme im Bürgerrot grosse Ifluss neh er wird's bi sine Sitzige sicher chönne dureschtiere dass d'Fluri's ihri Feschtli chöi im Aute Gmeindshuus durefüere S'Ambiente bim Sex sig wichtig meint dr Beat Breu und plagiert, dass me i sim Puff cha vögle im Heu doch leider finge's d'Freier nid so raffiniert dass er im Freudehuus nur 2 Nutte präsentiert bi öis hätt das Puff au kei Erfolg gha do zündet me so Hüüser grad sofort a Bisch no nüt und möchtisch si bekannt so muesch bir CVP ines politischs Amt darf di s'Volk nid wähle, so git's sicher kei Panne do wird sogar dr Berger Stefan Oberamme wenn di s'Volk abwäut isch es zwar bitter doch dr Hafner Jörg wurschtlet trotzdäm wyter Dr Felder hett dr gross Coup planet und 10 Millione usem Transporter abgsanet mit so vüu Chöle packt Ihn dr Grössewahn verputzt s'Gäud mit de Nutte uf dr Reeperbahn St. Pauli ir Chlus hätt's do meh brunge dr Roschi und dr Bloch hätte ihn sicher nie gfunge D'Swissair, öise Nationalschtouz git's jetz nümme und das aues wäg de höche Herre, dene Lümmle wöu si bim Chaufe vo angerne Gsöuschafte hei übertriebe hei der Swissair ihri Jets ufem Bode müesse bliebe drum hett me jetzt bim nöie Name s'Air wäg glo für e Fau, dass d'Flüger grounde und am Bode bliebe stoh Am Guggewettkampf duets Publikum normau dr Sieger wähle gwünnt aber die einti Guuge nid so duetse das scho quäle döi so säuber d'Stimmzettle usföue und id Urne ineloh dermit si uf em Podeschtli doch z'oberscht chöi stoh trotzdäm döi si's glich nume uf de zwöiti Platz bringe vo däm chöi nämlich Büttysuger au no es Liedli singe D'Techno-Party mit tuusigvöu Lüt isch abgseit worde das hett im Gerber si Luune ziemlech verdorbe d'Plakat si druckt und Tickets scho verchauft das überforderet öisi Gmeindröt, wenn öppis so schnäu lauft sie stoppe das Projekt und markiere die Böse Haueproblem tuet me bi öis erscht nach Johrzehnte löse Jedi Wuche lit d'Coop-Zytig im Briefchaschte inne dört si im Franz Zumstein sini Himmelstürmer drinne mit sinere Gschicht über's Schloss Neu Faukestei zeigt är eus was mir i öisere Gmeind nid hei die zwe Titelhöude döis öis nämlech bewise mit chli Mut chunnt au Bauschtu wieder us dr Krise Hingerrain ire chaute Winternacht E grosse Jeep isch i Haag ine kracht e bäuende Hung chunnt ume Egge z'rönne hingedri dr Boris Jaus, wo mir aui könne s'ganze Quartier isch inwzüsche wach dr Jeep zrugg uf dr Stross mit emne riese Krach und für d'Polizei wo's nid mit het übercho liegt am Bode no sis Autonummero |