| |
|
|
| |
|
|
 |
|
Us dr Zytig heimer chürzlech chönne entneh
dass es jetz im Chrüz Vital-Menüs tuet geh
Die gsungi Choscht söu me guet chönne verchaufe
drum muess au s'Personal in Beschtform ume laufe
Angers chöi mir's öis nämlich nid erkläre
dass sich sogar dr Lappert im Fitnesscenter tuet quäle
|
| |
|
|
 |
|
D'Bärner Kantonalbank goht z'Bauschtu uf Kundefang
Mitere mobile Bank mache si ir Region en Afang
Für d'Fahrte vo dene Transporte isch e Fahrer gsuecht worde
Und Meier's hei sich ganz spontan bir Bank beworbe
Öis verwungeret nid, dass dr Didi das Gäud umechauffiert
Schliesslich hei Meiers scho früecher "Chole" umegfiehrt |
| |
|
|
 |
|
Wo dr Willy und s'Judith vor churzem si dur Bauschtu glaufe
Hei si gwüsst, weli Gebäude dass si chönnte chaufe
Das isch e gueti Wahl für zwöi wo so beschäftigt si
S'Ferie organisiere erliechtert sich in Zuekunft e chli
Die zwöi chöi jetz s'Badzüg bim Greti go sueche
Und s'Reisli as Meer bi de Universal-Reise go bueche |
| |
|
|
 |
|
Öise Ex-Botschafter Thomas Borer die geili Sau
ladet i i d'Schwizer Botschaft e spitzi Frau
Bi dere Gschicht wird e hufe gloge
wär mit wäm und wo tuet vogle
mir wei nüt säge über ihn, denn das birgt gfahre
süscht müesse mir plötzlich au no Schadeersatz zahle |
| |
|
|
 |
|
Ir Chlus wird au Johr s'ultimative Stüblifäscht organisiert
leider wird dr Ufwand nid mit Bsuecher honoriert
wenn verwundert i de Bare umeluegsch bisch nid lätz
es het schlicht und eifach keini Lüt uf de Plätz
E hufe Lüt si däm "Stüblifescht dr Region" usgwiche
ein heimer entdeckt, dr Hafner Willy isch au dört umegschliche |
| |
|
|
 |
|
Z'Oensige im Bienkesaal tuet d'SVP nominiere
d'Kandidate töi sich grossartig präsentiere
Mit em Ueli Murer hei si au es politisch's Kaliber
Mit dr Jenny Ann Gerber eini vo de beschte Wyber
Dass die zwöi sich nid nöcher si cho, isch sicher dra gläge
Dass dr Ueli vor SVP zu auem NEI muess säge
|
| |
|
|
 |
|
Mir verzöue öich vore Dame mit blonder Strähne
Iri knallroti Täsche müesse mir derbi au erwähne
Wenn s'Gsicht vo dere Frau aaluegsch, die gseht jo dri
Grad wie dr Zirkus-Clown Dimitri
E Frau wo i jedes Fettnäpfli tuet trampe
Das isch öisi nöi Bundesrotsschl....... ange |
| |
|
|
 |
|
Aus Chäser muesch di jetz profiliere
Nur die beschte und schnäuschte chöi witer exischtiere
Um i däm herte Markt chönne z'beschtoh
Muesch schnäu und mobil si, dass d'Konkurrenz chasch schloh
Doch dr Heini isch bim rase nid so e gfitzte
loht s'Billet lo ligge, wöu Ihn dr Radar tuet blitze |
| |
|
|
 |
|
Mit em nöie Bürgerhuus cha Bauschtu scho plagiere
das Gebäude hei si ganz schön chönne renoviere
Imene Ruum im Chäuer isch e Baumstamm ufgschtöut
dört si die wichtigschte KATASTROPHE vo Dorf und Wäut dargschtöut
S'wichtigschte Datum uf däm Stamm hett au nid gfäut
am 23.9. hebe si dr Fluri Thomas zum Bürgerpräsi gwäut |
| |
|
|
 |
|
"Hilfe" rüeft dr Rütti Max ganz verschreckt
bi mir hett sich e gfährlichi Beschtie verschteckt
Zum Glück hett dr Eggenschwiler Reto si ganz Muet zäme gnoh
und es paar Schüss uf das gfährliche Tierli abgloh
Dr Abschuss vo däm Waschbärli muess är nid tragisch näh
solang si d'Antilope noni zum Abknalle döi frei gäh
|
| |
|
|
 |
|
D'Entwicklig vo Bauschtu macht öis chli perplex
öises Dorf lidet amene Minderwärtigkeitskomplex
Nach däm d'Püffer abebrönnt si wie wöud
behersche immer meh Hanflädeli öises Dorfbüud
Früehner het me Bauschtu mit St. Pauli vergliche
gli wird's denn Amsterdam si wöu aui döi kiffe |
| |
|
|
 |
|
Mir chöi öich säge, s'isch dr Hit
dass es grad vis a vis vom Löie es Bluemelädeli git
Mit emne Automat tuet d'Meier Sandra au a die tuet dänke
Wo z'Nacht uf d'Idee chöme Blueme z'verschänke
Wenn dr Löie mitemne schlechte Gwüsse tuesch verloh
Chasch Blueme für dehei grad vis a vis go useloh |
| |
|
|
 |
|
Aus Tierlifründ hesch hüt nid vöu z'lache
für dis Büsi muesch mängi Impfig lo mache
Dr chli Turla hett sich das z'Härze gnoh
und hett sis Büsi au gäge Chrankheite wöue impfe loh
Dr Menth hett bim Impfe nid vöu gschtudiert
und hett das Büsi grad au no kaschtriert |
| |
|
|
 |
|
Dr Zysset Rolf, eine vo de usgmuschterte Füürwehrhaase
Cha jo jetz nümm mit dr Sirene dur d'Strosse rase
Um ihn vor Entzugserschinige chönne z'bewahre
het är es Weekend mitem Rettigsdienscht dörfe usfahre
S'Chrankeaute fräst is Thal, s'Blauliecht tuet blinke
und dr Rolf gsesch wie verruckt aune Lüüt zuewinke |
| |
|
|
 |
|
10 Gebote des Willi Hafner
1.) Du sollst keine Hundsverlochete versäumen
2.) Du sollst kein Pressefoto auslassen
3.) Du sollst kein O.K. Präsidium ausschlagen
4.) Du sollst kein Immobilien Schnäppchen verpassen
5.) Du sollst die Elektra Goldgrube zu Cash machen
6.) Du sollst die Bez.-Turnhalle aufmöbeln
7.) Du sollst deine Reden selber schreiben
8.) Du sollst allen "Du" sagen
9.) Du sollst deiner Frau nie widersprechen
10.) Du sollst dir ein Denkmal bauen |
| |
|
|
| |
|
Am nöchschte Morge seit d'Frau Flad
Gopfridschtutz, das isch scho no schad
Mini Manoggle si ir Nacht wägcho
Dr Paul und d'Nochbere hei niemmer ghöre cho
Derbi hei die Diebe es Künschtlerhärz gha
Denn "Begägnige mit Mönsche" isch jo s'Flad Thema |
| |
|
|
|
|
|
Wenn mou wettisch e Milliarde usgeh
Ab und zue vom Bund chli Gäud go neh
wenn vüu Lüüt wotsch animiere zue dir z'cho
Für es bizeli Kunst für Stunde a z'stoh
Denn muesch nid mit tolle Ideä brillierä
sondern eifach die nöchschti Expo organisiere |
| |
|
|
| |
|
Z'Bauschtu sött wieder öppis go
Dr Jurien Baumann het sich's z'Härze gno
Wo n'är die nöie Baschtugschäft het gseh
Do isches um sis Ba(u)schtlerhärz gscheh
Australischi Stei het är chli farbig besprängt
Für e Kulturpris hets aber noni ganz glängt. |
| |
|
|
| |
|
Öise Tiger dr Fankhauser Simi
Tinglet aus a Capella Star über d'Bühni
Doch öppis goht öis nid i Gring
Wieso singt är Chinderlieder vom Lion King
Mit sim Tanga Slip hät är no angeri Reiz
Zum Bischpüu aus nöie Mister Schweiz |
| |
|
|
| |
|
S'Lädelistärbe z'Bauschtu tuet sich relativiere
Sit immer meh Gschänk- und Baschtuläde döi expandiere
Glichzitig wird dr Gmeindrot bir Bewärbig aus Energiestadt aktiv
Derbi wäre d'Iwohner vo eusere Gmeind würklech kreativ
Statt vöu Chöle usgäh für nes Label aus Energiesstadt
Nenne mir öis gschider Gschänkli- und Baschtustadt |
| |
|
|
| |
|
Au Komponischte müesse öppis für ihre Arbeit ha
Drum nimmt sich d'SUISA irne Interässe a
Lauft anere Party es Musikstück ab dr Platte
Stoht sofort au d'SUISA mit em Mahnfinger uf dr Matte
Mir chöi nid verstoh, dass me jetz au d'Guggemusige wott usnäh
Und hoffe, dass mir nid auno Gebüre müesse abggäh |
