Schnitzelbänke 2010 "Rund um d'Wäut"
Bilder zur Fasnacht 2010 unter www.fasnacht-bauschtu.ch
Bonus Schnitzelbänke (ungedruckt)
Wenn me wie mir öpper i Pfanne haut denn isch es garantiert
dass e Journalischtin öis denn ir Zytig denn au kritisiert
Aus Sänger wärde mir au in Zuekunft so schlächt blibe
wie's Rütti Fränzi für Soledurner Zytig duet schriebe
dorum lade mer si nöchscht Johr a d'Singprobe i
und schänke ihre denn e Flug ufe Mond grad hingedri
(
Zeitungsbericht Fasnachtssonntag)
Wenn am Frytig nach em Schitzubankobe no eis wottsch go drinke
de chunnsch niene meh ine das foht eus afo stinke
Im Rössli fäut öis s'Bändeli am Handglänk zum ine cho
und au im Pub hetts ke Platz mir müesse dusse stoh
de göi mer haut i d'Eintracht dört isch sicher no offe
doch au dr Mäsu und's Personal si im Pub UND scho bsoffe
Mit Singe hei mir's nid do wei mer besser wärde
schliesslech wei mer's jo mit euch nid verdärbe
und trotzdem chöi öis vöu us Vorbild näh
denn mit öisne neue Chleider hei mir dr Tarif dure gäh
Drum Höckeler, Macarenas, Aphronixe und Ohrewürm föit afo sammle
süscht müesst dir no lang i öichne aute Chleider ume gammle
Für d’Maccarenas döi mir zu däm Bank no e Korrektur vorneh
Bi einige heig’s sit letscht Johr tatsächlich es nöis Chleid geh
Auerdings hei sis nid gmacht, um nöi Farbe ine z‘bringe
Sondern dermit der Buch im Chleid wieder gnueg Platz tuet finge