header1200.png

Fasnacht 2008

Der Winston's Club dieses Jahr mit dem Motto:
"Schiff Ahoi" Schnitzelbänken

 

fazeitung2008.jpg

pdfFasnachtszeitung 2008

 

Bim Bongo ufem Parkplatz, mir heis fascht nid glaubtHet öpper e Lieferwage vou Tiersperma g’raubtD’Polizei tappt im dunkle, weiss nid wär derhinger stohtWär s’züchte vo Tierli verhindere wottMir glaube, das isch e Aktion vor SVP gsehDie wei jo, dass es keini schwarze Schoof me tuet gehSchlof Schwiizer schlofD’SVP luegt zu de SchofDie wisse döi se sehr erfröieDie schwarze döi sie usegheieSchlof Schwiizer schlof

Ar Gmeindsversammlig wird mit Wort kämpft bis uf’s BluetDo stoht dr Zysset Rolf uf, är chochet vor WuetDie Aagriffe a d’Gmeindröt würde Ihn bsungers störeDas ständige Motze chönn är nümme ghöreÄr närvi sich so stark, ab dene Lüt wo gäng puffeDass är jetz lieber grad, es Bierli goht go suffe.Z’Bauschtu dört stoht d’Eintracht (1 2 suffe)Dört goht dr Rolf hi, wenn’s ihn verjagt (1 2 suffe)

Dass me es Projekt usfüehrlich cha plane, duet d OeBB bewiisemit em schöne Stangewaud hinger der Chüuche uf der WiiseBis die Auterswohnige dört ändlich wärde stohtuet wahrschinlich no mängi Fasnacht dure goh Für öis cha dä spöter Baubeginn aber vo Inträsse siBis me dört cha izieh, wärde au mir öppe 70gi si

Der Lardelli Borgatte dos Santes isch MuffDenn im Pöschtli gits jetz keis PuffDer Straub und der Wüethrich heine lo uflaufeMit em Turbo Entscheid, dass im Dorf nid Liebi chasch chaufeJetz wird baud im Pöschtli niemmer meh spitzDenn der Lardelli macht drus es Stärbehospiz

Jetz isch es ändlich überau bekanntÖises schöne Thau het me zum Naturpark ernanntAm Iigang zu Bauschtu tuets jetz denn Bildschirme gehWo die schönschte Fläcke vom Thau druffe chasch gsehWottsch dr Naturpark beschtuune, hocksch jetz eifach i ChareGosch i dr Thaubrugg i Kreisu es paar Rundine go fahre
 
Melodie (Schacher Seppeli)Ig bi dr Bürgi Franz im ganze Dorf bekanntBi früehner no e Oberscht gsi, hüt säge si mir vagant Bi zfriede wenn i ar Gmeindsversammlig, cha ufstoh und öppis sägeMi Meinig dörte Kund z’tue, do dra isch mir öppis glägeDrum streune ig im Gmeindhuus ume ir Wuche eis, zwöi mouWott dört mou aui Akte gseh, und jedes ProtokouMuess aui kontrollierä, bi däm Stress han ig kei ZytSo dass es bi mir im Garte, sit Johre e Boustöu gitIg bi nid nur ir Opposition, Sorge mi au um s’allgemeine WohlAm Flohmärit mit em Laschtwage, das find ig eifach tollIr Armee hei’s mir s’Billet gschänkt, jetz fahr ig mit de grosse ChischteDoch bim Inseli isch’s haut schwieriger, aus uf dr breite Panzerpischte
 
Der Kubi wot sich mit em Kathrin z’PoleUfem Suprasl-Flüssli chli go erholeDoch statt gmächlich übers s’Wasser z’gleiteLoht är sich zum Wasserlöse lo verleiteEr stoht uf, lehnt sech füre, het d’Lanze duss Und s’Bötli mit em Kathrin kenteret im Fluss.
 
D’Samichläus si nachem Sprüchli uf dr Stäge bliebe stohDo het eine vone es Mikrofon gnohDoch me cha nur es chräschele und raschle vernehIsch das ächt e Red für die Taubstumme gsehNach 15 Minute Rede ohni Ton, hei mir dr Redner erkenntEs isch dr Chlaus ohni Bart, wo sich Hafner Willi nennt
 
Nach em ne Ässe z’Mümliswil seit dr Studer Markus zu sire FrauZum verdaue wott ig heilaufe, das isch doch ganz schlauVor dr Eintracht verspürt är plötzlich e grosse DurschtUnd s’heigoh isch ihm bis am morge am vieri ziemlich WurschtDoch hätti är besser si Frau schnäu informiertDenn die het ne vermisst und d’Polizei alamiert
 
Wo d’Kaiser Susi no ir Wohnig vor Eintracht isch gsehHet me mou vom ne spezielle Iidringling chönne vernehDr bsoffnig Flamme Hausi isch unger ihri Decki krocheSi het d’Polizei lo cho, die söuene ilocheSie söu nid so tue, hei d’Gäscht am Stammtisch gmunkletI de junge Johre hätte derbi jo Ihri Auge no gfunklet
 
Bauschtu isch modärn, das möchte mir betoneEs git Lüt mit Ideä und VisioneDr Eggeschwiler Toni isch vor öisere ZytEr wartet druf, dass es bir Coop Tankschtöu e „Drive in“ gitDass es noni sowit isch, isch är sich nid im klareUnd isch mit sim Töff dur d’Schiibe dure gfahre


(Reperbahn-Lied)
I dr Kult-Bar am Morge am vieri
Hät no mänge gärn es Bierli
Doch wär noni dinne isch,
wenn mou gschplosse isch

Dr Couchepin ghörsch z’Bern derfür plädiereEr wott endlich s’AHV-Auter 67 dure stiereVüu öuteri Lüüt döi das aber gar nid gärn ghöreWöu är ne Ihri Rentnertröim so tuet zerstöreFür Braui-Wirt chönnt me die Gränze au uf 80gi ufe tueDenn der Baumgartner Markus het no lang nid gnueMit 71 Johr, do het är Spass draMit 71 Johr, fohts für Ihn erscht richtig aMit 71 Johr, do isch no lang nid SchlussMit 71 … chunnt är erscht richtig i Schuss
 

Winstons Club Bilder

slogan_small300.png