header1200.png

Anlässe und Events vom Winstons Club Balsthal

Fasnacht 1999 Motto"Churz dr Vor"

Winston's Club Schnitzelbänke

fasnacht1999

  Schnitzelbänke 1999
 

D’Ex Lehrerin Bettinger het dänkt s’Küehlschrank uftaue
müesst doch mitemne brönnende Kerzli besser hihaue
Dass das nid schlau isch gsi, wüsse die wo d’Gschicht könne
wäg däm Kerzli het die ganzi Kuchi afo brönne
Doch öppis müesse mir anerkennend säge
Dr Küehlschrank schneller ufz’taue wäri nümm dinne gläge
Us dr Zytig hei mir’s chürzlich vernoh
Uf em Kornhusplatz wird gli e schwarzi Skulptur stoh
Die stunendi Berta mit Ihrne grosse Titte
het ir schönschte Barockstadt unger z’vüu Kritik glitte
d’Kulturkommission tuet jetz mit Ihre wärbe
dermit Bauschtu zum Sex-Ort Nummer 1 tuet wärde


Amerika söu s’Land vo dr grosse Freiheit si
Nur aus Präsident vo däm Land bisch e Usnahm derbi
Es paar Politiker mache es riese trara
Us dr Tatsach, dass är e Affäre mit dr Lewinsky het gha
Sit är die perversi Story vor Gricht het müesse ufdecke
wüsse mir nümm genau wohi mir d’Zigarre söue stecke


Bauschtu tuet für d’Winter-Olympiade kandidiere
mir wette dä Grossalass bi öis durefüere
D’Infrastruktur isch zwar nid optimau
Es paar Skipischte fähle no und e Ishaue au
Mit angerne Argument döi mir öis Chance usrächne
Animierdame hei mir gnue für s’Olympische Kommite z’bestäche


Dank em Hafner Rolf het Bauschtu e Attraktion meh
Im Paradiesli tuet’s öppis wien es Triibhuus geh
Für sini Kunde het er sogar d’Gmeind derzue triebe
dass si der Wäg zum Paradiesrain hei umgschriebe
Wenn jede für d’Kunde dr Wäg chönnt umbenenne
denn chönntisch gli i d’Nuttegass go penne


Ar Tour de France isch’s as Tagesliecht cho
D’Radler chöi die Strapaze nid ohni Doping durestoh
Au mir hei do köperlich ganz es ähnlichs Problem
D’ Belaschtig während dr Fasnacht isch ganz extrem
Wenn denn einisch Bier und Wy nüt me sött nütze
Müesse denn halt au mir afo E P O schprütze


Wenn dr Heutschi Stefan tuet Autofahre
denn sött er scho öppis wüsse über si Chare
Z’erscht sötsch gnueg Benzin ineloh
süscht blibt dis Gfährt uf dr Autobahn stoh
Bim Abschleppe vor Polizei het er au nid viel dänkt
und dank Sicherheitsschloss sis Auto i d’Leitplanke glänkt


Dr Diener isch am Morge scho früeh i de Socke
Bevor s’Krüz überhaupt offe het, tuet er scho din hocke
Villicht duets es das jo bedinge
dass es bis zum kantonal Kulturpapst chasch bringe
Mir froge öis jetz eifach, wie lang dass es no goht
Bis denn mou d’Solothurn e Kulturzirkus stoht


Jetz wärde Kandidate ermittlet für d’Bundesrotswahl
S’ Uswähle vo geeignete Persone isch für d’Parteie e Qual
Mir glaube, dass d’Uriella die richtigi Frau wäri
Sie chönnt die Region verträtte usere angere Sphäri
Usem ne angere Grund hät Sie sich no us gueti Kandidatin erwiese
Dass Sie cha Mischt verzöue, het Sie nämlich scho mängisch bewiese


Ar letschte Fasnacht het s’Kommite mit nöie Ideä brilliert
und het vorem Kornhuus e grossi Bühni installiert
so isch d’Bauschtler Bevöukerig pünktlich ufmaschiert
nur uf dr Bühni obe isch stundelang nüt passiert
wo sich denn ändlich die erschti Gugge duet präsentiere
isch s’Roschi Doris die letschti wo sich a dr Bar no duet amüsiere


Die ganzi Bevöukerig isch im Moos am feschte
und so mänge Verein git derbi sis beschte
Dr Allemann Sigi hett d’Balstage mit Elan organisiert
doch mit ere grosse Schnurre het er sis Fescht duregstiert
Isch dä Aalass e Flop gsi, het er nid räntiert
Bis hüt het s’OK keim Verein d’Rächnig präsentiert


E aute Bruch isch z’Bauschtu dr Samichlaus
und im Dorf gseht me a däm Tag aus
Die Erwachsene döi Unterschriefte gäge d’Schmitte sammle
und d’Ching vorem Samichlaus es Värsli stammle
Vor hunderte vo Lüüt het dr Seppi i dere Nacht
Ir Monika uf dr Krüzschtäge e Hüürotsaatrag gmacht


öisi aute Chleider si scho legendär
dermit e Priis z’gwünne isch aber schwär
Aus Aerzt wärde mir nümm a d’Fasnacht goh
defür döi mir mit dene nöie Chleider do stoh
trotz nöie Chleider und Investitione dänket dra
e Schnitzubank isch witerhin für Fr. 1.50 z’ha


Leider hei mir’s müesse verneh
dass es z’Bauschtu im Migros gli nüt me tuet geh
Dermit d’Kunde nid zum Coop abspringe
tuet se e Schuttel Bus uf Oensige bringe
d’Huusfraue müesse jetz nümm bis zum Kaffi warte
sondern chöi s’Gschnurr scho im Bus ine starte


D’Bauschtler Bevöukerig seit jetz isch gnue
s’Cabaret ir Schmitte darf nid uftue
Im Dorf hei si Unterschrifte gsammlet
z’Bauschtu wärdi süscht scho gnue grammlet
Sogar dr Amme zeigt sich Medie-Geil und isch im Fernseh cho
Nur dr Fluri Bruno us Bsitzer seit, er wüssi nüt dervo


Füürwehrlied

Mir si vo dr Füürwehr ....


Ir Zieguhütte z’Nacht
het’s bim Jeker afo brönne (das mues me lösche....)
Churz drufabe chunt dr Läderach
mit em alt Fürwehrhelm cho z’rönne (er wott das lösche .....)
Mit em Fürlöscher i dr Hang packt er die Flamme aa
Doch lösche chan er’s nid, jetz muess er d’Fürwehr haa


Mir si vo dr Füürwehr ......


Dr Stutz uf isch es glatt,
wo d’Füürwehr isch cho z’fahre ( mir wei das lösche ....)
Dr Zysset Rolf isch platt,
denn er bliebt stoh mit sim Füürwehrchare ( är wott go lösche .....)
So si sie spöter ufe cho, doch das isch Wurscht
Denn Sie si rechtziitig cho, zum lösche vom Durscht


Mir si vo dr Füürwehr .......

 

 

 

Winstons Club Bilder

slogan_small300.png