Schnitzelbänke Fasnacht 2000 "Höllisch Guet"
Fasnacht 2000 Motto"HÖLLISCH GUET"
Winston's Club Schnitzelbänke
| Schnitzelbänke 2000 |
|
Schnitzelbänke 2000 Motto"HÖLLISCH GUET!"
Nachem Umbou isch d’Migros i d’Schlagziile cho Si hei einigi Artikle zum Sortimänt use gnoh Wo d’Kunde denn hei afo reklamiere Het d’Migros es bizli müesse zrugg buechschtabiere Doch die ganzi Umschtellig isch glich nid für d’Katz Jetz hei d’Huusfraue ändlich zum schnurre gnueg Platz Ir Schwiiz git’s tatsächlich no so Affe Wo säge für 4000 Schtutz würde Sie nie go schaffe Vüu besser isch’s sich jammernd a Blick go wände Liebi Schwiizer, döit mir doch chli Chöle spände Viellicht bringts im Anghern si Verschtand wieder is Lot Wenn Ihm im Ring ein so richtig d’Frässe verschlot Dr Flückiger hett e Professor vo Züri organisiert D’Lions und d’Rotarier si vouzählig ufmarschiert Mir wüsse nid, um was es gange isch ö ppis vo Viagra, Sex im Auter und emene tote Fisch Aber schlücket kei Viagra, wenn Dir heit e Hänger Mit Ovo geit’s nid besser, aber länger Ir Schützematt spüut Basu gäge St. Gaue Tuusige vo Fäns hett das Spüu gfaue E Laferi hett scho vorem Match plagiert Ä r hebi sis Auto grad näbem Stadion parkiert Zwee Schtung nachem Schpüu irrt es Taxi ume Für 70 Schtutz hett au dr Cici sis Auto wieder gfunge Es paar Selbstdarsteller mache e riese Mais und säge döisi däm Feschtli Expo 01 Mit Frauepower wird das Projekt glänkt Näbebi es paar Milliönli im See versänkt Fraue spieled witer mit öichere Macht Mir fröie öis uf d’Expo 08 D’Rita Dolder het es Telefon Au dr Büttiker het d’Nummer scho drü-einedrissg zäh nou acht das wäuht er öppe die ir Nacht d’Rita Dolder isch nid irgend e Putte Sie isch e Bärner Edu-Nutte Wo sich öisi Regänte pflückt wenn se öppis i de Hose drückt Au dr Büttiker goht mit Ihre is Bett wenn er s’grosse Risse het -------------------------------------------------------------------------------- (Melody "Skandal im Sperrbezirk - Spider Murphy Gang)
Skandau im Bundeshuus, Skandau im Bundeshuus
Skandau .. Skandau um Bütti
Bauschtu duet jetz wieder öppis biete
ar Herregass chasch es Schaufänschter miete Mir warte druf, dass es eine tuet usprobiere und es paar Fraue hingerem Fänschter tuet präsentiere wenn nümm witer chasch laufe lisch as Gländer starrsch i d’Schibe und ribsch am Ständer Bi de FA18 vergoht öis dr Gschpass
Wie s’Militär s’Gäud i Sang setzt, isch wieder mou krass Dr Härstöuer tuet die Flüger nümm produziere Bi de bestehende döi d’Rakete scho im Rohr inne krepiere höret doch uf mit dene Flüger z’Pfusche döit se durch Ballön vom Piccard ustusche z’Bauschtu ir Thaubrugg, mir heis chönne vernäh tuet’s jetz e Drive thru Bankomat gäh Aui wärde füüler, s’isch extrem für jede Schritt si mir scho z’bequem Jetz döi mir nume no s’Drive Thru WC vermisse Wo diräkt zum Auto us chasch pisse Dr Stammtisch vom Chrüz tuet dr Lappert aazünde Er söu dr 20 Rappe-Ufschlag vom Kaffi begründe Müehsam tuet er 9 Pünkt erfinge LSVA und Parkplätz döi Ihm meh Chöschte bringe Ei Punkt fäut uf dere Lischte, das isch klar Si gross Flop vo däm Johr mit dr Rössli-Bar Im Kornhuus isch z’Nacht dr Füüralarm los gange Via Telefon tuet er au zum Fluri Sepp glange Aus Vize Kommandant bisch bi somne Alarm derbi Doch dr Sepp schloft mit em Höhrer am Ohr grad wieder ii Mir glaube, dass im Traum dä armi Maa e grössere Brand het z’lösche gha D’Nationalbank wott Ihres Goud nümm länger hüete Politiker döi Vorschläg für d’Verwändig usbrüete Anschtatt das Goud für AHV und Büudig z’verschwände würde mir’s lieber für ne angere Zwäck verwände Döit das Goud de Schifahrer verteile De längts au ihne mou für ne Goudmedaille Öisi Schihüpfer wei Ihri Träner gar nid lobe und heine e anonyme Brief unger d’Türe gschobe Sie hätte z’brutau und z’hert träniert die lahme Adler würde z’fescht kritisiert Si hei gmeint Ihri Näme ungerem Brief bruchis nid Wöus die ir Ranglischte jo au nie z’läse git Mit Erschtune hei mir’s usem Blick chönne vernäh im Chrüz z’Bauschtu hett’s e nöie Bsitzer gäh 100'000 Fr. das fingt im EMD niemer übertriebe schliesslich hett dr Knecht die Rächnige ungerschriebe dr Belasi weiss vo nüt und hett e grosse Latz Im Chrüz hebe 260 Lüt i 130 Bettli Platz I dr katholische Wiehnachtsmäss muesch Zyt ha ganzi 1 ¾ Schtung predigt öis dr Guldimaa au das Johr hei mir vergäbe ufe Chüuchechor gwartet derfür het ein im Gämsi e Sängerkarriere gschtartet Dr Bauschtler Sportler des Jahres cha nid nume springe Dr Von Burg René het au Talent im „Stille Nacht“ singe E bsoffne Velofahrer gheit öppe mou uf d‘Schnure au dr Nützi Stefan macht das ab und zue dure Sis Gebiss verlüüre und’s die ganzi Nacht nid finge am nöchschte Tag ohni Zähn go schaffe, dä chasch nid bringe Zum Glück hett em dr Peter die Bisser wieder chönne gäh süscht hätt dr Stefan nume no Bier chönne zue sich näh Mit öisere Wiehnachtsbelüchtig chöi mer scho plagiere Do hei sogar d’Oensiger öppis nöis müesse usstudiere Statt wie mir eso schöni Tanneböimli Hänke si es Gebilde uf, es isch es Alptröimli Das gseht sogar dr Johrhundertschturm Lothar eso Und luftet dä protzig Lämplisalat eifach dervo -------------------------------------------------------------------------------- (Melodie von: Ig ha nes Zündhölzli azündt - Mani Matter)
Ig han es Zündhölzli aazündt und’s i d’Prischtina-Täsche do
d’Täsche ufe Eschtrig gschtellt und denn bini schäu dervo Es het mi niemmer könnt, won ig dervo bi grönnt und somit isch die Schmitte abebrönnt Färnseh, Zytig und Radio, aui si uf Bauschtu cho
Wo vom Zysset hei wöue wüsse, was si Meinig sig dervo d’Bauschtler hei spekuliert, do het eine warm saniert doch dr Fluri Bruno het es Alibi präsentiert Ig han es Zündhölzli azündt und es ine Täsche do
stöu Dir vor die Schmitte wäri nid abbrönnt dervo Denn wäri dört jetz es Puff und die einte Bauschtler Muff und die angere würde ligge uf dene Fraue druf |