header1200.png

Fasnacht 2001 Motto"Vollgas"

Winston's Club Schnitzelbänke

fasnacht2001

Schnitzelbänke 2001

Wo me früehner no Fröschli het ghöre Quake
Gseht me jetz d'Huusfraue ihri Chäre parke
Lang het me mit däm Prunkbau grunge
Bis ändlich eine dr Erfolg het erzwunge
Ir hoffnig er het jetz endlich dr Latz
Taufe mir dä Ort "Rolf Kaiser Platz"


Es paar gfitzti Bauschtler i de beschte Johre
Mit Armbruscht bewaffnet bis hinger beidi Ohre
Hei z'Paris ihri Nationalhelde-Tröim usgläbt
I dem Sie bim Arc de Triomphe e Hinkustei hei akläbt
D'Franzose hei sich nachhär revanchiert
Und s'Neu Falkestei mit Combat-Farb verschmiert


Dr Guldimaa tuet nach nöiem Strebe
Er wott nümm vor de Bauschtler Schöfli rede
D'Chüuche muess jetz e nöie Pfarrer ha
Mir dänke, do muess dr Gemsi-Theo dra
Denn dä het wenigschtens am Wiehnachtsfescht
Si Hütte vou mit gläubige Gescht


Bim Schwizer Färnseh laufe gschpässigi Sache
Do vergoht Dir bir e Quizsändig schnäu mou s'Lache
E junge Burscht het as schnäue Gäud wöue cho
Und isch nüt ahnend i d'Sändig RISIKO
Wieso das Quiz so heisst, het er nid gwüsst dä Lappi
Isch mit dr Amgarte i d'Pfanne, und scho isch er Pappi


Vor churzem isch's ir Zytig gschtange
D'Geburte z'Bauschtu sige extrem zrugg gange
D'Gmeind macht sich sorge, a was es chönnt ligge
Am Fernseh ? Oder döi d'Lüüt eifach weniger figge
Dass es mit em Ching mache wieder tuet funktionniere
Döi si jetz denn dr Boris Becker engagiere


Wo mir dä Früehlig dur Bauschtu si gfahre
Gheie mir vor schtuune fascht usem Chare
Die Aktion vom Gwärbverein macht öis platt
Das isch jo e Invasion vo Chäfer und Chleeblatt
Hei Sie ächt dermit öisi Früehligsgfüu wöue wecke
Oder eifach nur die dräckige Fassade überdecke


D'Bauschtler Polizei het d'Mäudig übercho
Si dörfe nid a WEF-Isatz goh
Mir chöi das eifach fascht nid verstoh
Wie die Bündner ohni öisi Lüüt d'Schlag chöi cho
Denn öisi Polizei isch sicher kei Flop
Im Hanf-Lädeli stürme si si jetz scho TOP


S'Gwärb z'Bauschtu, die heis schwer
Eis Schaufänschter am angere stoht scho leer
Dass eine mit Zentre wie Gäupark cha konkurriere
Muess scho fascht es chlises Wunder passiere
Doch dr Jaus Boris tuet im Lädelistärbe wiederstand akünde
und tuet ir Herregass sis Wunderland gründe


Was isch das au bi de Bulle für es glauer
do isch doch scho jede Depp chli schlauer
D'Akte wärde vo de Gfangne gschtohle
D'Radargrät müesse si zu de Raser hei go hole
Wenn ne jetz no d'Kleider klaut wärde, ohni dass Sie's realisiere
chöi Sie sich gli nackt dr Bevöukerig präsentiere


Nach dr Fraktionssitzig het sich d'FDP lo igschpliesse
Si hei mou s'Läbe aus Big Brother's wöue gniesse
Gärn hätte si sich 100 Tag wöue verscharre
Und denn s'Huus verloh aus grossi TV-Stare
I d'Hose isch's wöu si nid gwüsst hei gha
Wär mit wäm im Gmeindshuus Sex söu ha


D'Scacchi Simone sigi e arroganti Tusse
Säge schinds d'Bauschtler uf de Strosse usse
Sogar ihri beschte Kollege würde si verkenne
Dass sig Ihres Fazit vom Miss Johr, hett si müesse flemme
Mir hoffe, dass si z'Paris besser cha läbe
Und töi EXTRA SICHER nüt schlechts über se säge


Im Fuessballbusiness tuet mänge Trainer d'Nase rümpfe
Und für e Stressabbau d'Nase im "Schnee" dümpfe
Dr Daum het ir Bundesliga müesse go
Wöu si däm Kokser mitere Hooranalyse uf d'Schliche si cho
Dass z'Bauschtu so e Skandau nid cha passiere
Tuet dr FC aus Trainer dr Suter Roli engagiere


Zwee dunkli Gschtaute schliiche dur d'Gasse
Si göi i d'Beize, überquere d'Strosse
Vom Hübeli döi si i d'Eintracht marschiere
Denn gsesch se vom Chrüüz is Rössli flaniere
Vorem Meier Hugo sim Lädeli blibe si stoh
Jetz het doch dä Cheib d'Gault Millaut-Pünkt übercho


D'Schmitte het s'letscht Johr jo scho brönnt
Zum Glück het do öisi Füürwehr nid chlömmt
Im Juni machts bumm im Puff i dr Chlus
do rücke öisi Jungs wieder us
Mir glaube es git nümm vüu z'überlegge
Mir müesse jetz s'Puff is IFA verlegge


Wo mir vor churzem vorem Polizeiposchte si gschtange
het öis plötzlich es komischs Gfühl befange
Bim Krüz-Dach hei mir es grüens Monschter gseh hocke
Mir si zum Poschte ine grennt, so simer verschrocke
D'Polizei het öis beruehigt und gseit, das wo Dir heit gseh
Isch nur s'grosse Plakat vom R. L. us B.


Dr höchscht Schwiizer het aktuell es Problem
D'Froge vor Press si für e Hess unbequem
Die Kampagne gäge Ihn tuet Ihn scho chli berüehre
derbi wett er doch dr Umbau vom Bundeshuus forciere
Es isch nid für besseri Sicherheit, do chöi mir Wette
Es isch dermit er meh Platz het für die gschmugglete Zigarette


35 Johr lang hebi dr Amme nüt erreicht
Dermit het ihn dr Hafner Röbi scho chli breicht
Ir Zytig het er ne richtig i d'Pfanne ghaue
Primitiv tuet er im Ursli die gueti Luune versaue
Dass dir s'nöchschte mou nid ir Zytig ufnang müesse schiesse
Döi mir öich ir Adventszyt is Chnuschperhüüsli gschpliesse


Dr Rotschi Beat isch erschtuunt vor em Briefchaschte gschtange
Wie cha dä Heldstab au nume 50 Rappe verlange
Für es haubs Fränkli e Iizahligsschin useloh
So muess jo öisi Gmeind gli mou Bankrott goh
Jä Fredi e exakte Hoorschnitt längt haut nid
Dermit's me Gäud i d'Kasse git


D'Närve vo de Autofahrer wärde zur Zyt strapaziert
D'Strosseränder si mit Kandidate-Gringe plakatiert
Wenn me uf die Chöpf wett luege, het das Gfahre
Schliesslich tuet me uf öisne Strosse rächt schnäu fahre
drum döi die Politiker guet über Temp 30 dänke
dermit si Ihri Chöpf grad a die fahrende Chäre chöi hänke


D'Oensiger siedle Industrie und Gwärb a
S'Dorf wachst, i de Gschäft chasch fascht aus ha
Öis Bauschtler wird's jetz Angscht und Bang
Denn mir si ir Region bau im zwöite Rang
Doch jetz hei mir e Hoffnigsschimmer gseh
Wenn si d'Landschaft verschändle mit Ihrem Baggersee


über den Wolken ....


Kaiser Rolf, Fredy Baschung, ballere im Moos wien e more
Im Hingerrain chöme si ufe Hung, das dröhnt i ihrne Ohre
Dr Strasser Roli goht uf d'Gass, loht d'Lüüt lo ungerschriebe
Dä Lärm isch eifach aune z'krass, das cha nid so bliebe


Ref: Im Hingerrain hinge muess dr Schiesslärm jo gränzelos si
Bi jedem Schuss schreckt me zäme, e chli,
d'Räntner müesse s'Mittagsschlöfli lo si
Doch öisi Schütze chratzt das überhaupt nid, hauptsach si chöi knalle

 



Winstons Club Bilder

slogan_small300.png